La Griesche D’esté

En recordant ma grant folie
Qui n’est ne gente ne jolie,

Ainz est vilaine
Et vilains cil qui la demaine.
Me plaing set jors en la semaine

Et par reson.
Si esbahiz ne fu mes hom,
Ou’en yver toute la seson

Ai si ouvré
Et en ouvrant m’ai aouvré
Qu’en ouvrant n’ai rien recouvré

Dont je me cuevre.
Ci a fol ouvrier et foie oevre
Qui par ouvrer riens ne recuevre :

Tout torne a perte ;
Et la griesche est si aperte
Qu’ « eschec » dit « a la descouverte »

A son ouvrier.
Dont puis n’i a nul recouvrier.
Juingnet li fet sambler février :

La dent dit : «

Cac »,
Et la griesche dit : «

Eschac ».
Qui plus en set s’afuble sac

De la griesche.

Rutebeuf