Cinq ou six fois cette nuict en dormant

Cinq ou six fois cette nuict en dormant,
Je vous ay veuë en un accoustrement,
Aupres duquel rien ne me sçauroit plaire,
La jupe estoit d’une opale tresclaire,
Et vostre robe estoit un diamant.

Rien n’est si beau dessous le firmament,
L’Astre du jour brille moins clairement,
Et vous passiez sa lumiere ordinaire
Cinq ou six fois.

Que le sommeil nous trompe vainement !
Par avanture en ce mesme moment
Vous vous trouviez en estat bien contraire :
Mais à propos, comment va cette affaire ?
Avezvous bien esté tout doucement
Cinq ou six fois ?